Azərbaycan News Agency

Ukrayna Prezidenti Volodimir Zelenski Fransa Prezidenti Emmanuel Makron ilə görüşündə Rusiyanın hücumlarını və Ukraynanın müdafiə imkanlarının gücləndirilməsi istiqamətində atılacaq addımları müzakirə edib.

Zelenski Rusiyanın Lutsk şəhərindəki enerji infrastrukturuna pilotsuz uçuş aparatı ilə hücum etdiyini və şəhərdə elektrik enerjisinin kəsildiyini açıqlayıb. Rusiyanın Ukrayna ərazisində raket və pilotsuz uçuş aparatları ilə hücumlarını davam etdirdiyini bildirən Zelenski Moskvanın ABŞ Prezidentinin enerji sahəsində atəşkəs təklifini nəzərə almadığını iddia edib.

Zelenski deyib: “Bu ay döyüş təyyarələrimizin imkanlarını gücləndirəcək yeni paketlər təqdim olunacaq.” O, Avropanın hava hücumundan müdafiə təşəbbüsü çərçivəsində aparılan işlərin sürətləndirildiyini və Fransanın vəd etdiyi bütün silah istehsalı lisenziyalarının Ukraynaya çatdığını bildirib.

Zelenski həmin lisenziyaların tətbiqi üçün komandalar səviyyəsində işlərin sürətlə aparılmasının vacibliyini vurğulayaraq, Makrona və Fransaya dəstəklərinə görə təşəkkür edib.