Azərbaycan News Agency

Ukrayna Prezidenti Volodimir Zelenski Rusiyanın ölkəsinin enerji sisteminə qarşı hücumlarını davam etdirdiyini bildirərək, Moskva rəhbərliyinin gərginliyi azaltmaq istiqamətində heç bir addım atmadığını vurğulayıb.

Zelenski sosial media hesabında etdiyi paylaşımda Rusiya qüvvələrinin Ukraynanın enerji infrastrukturunu hədəf alan hücumlarını pisləyib.

Rusiyanın elektrik enerjisi istehsalı obyektlərinə, enerji şəbəkələrinə və birləşdirici xətlərə qarşı əməliyyatlarının fasiləsiz davam etdiyini qeyd edən Zelenski bunları bildirib:

"Hər gün Rusiyanın hücumları enerji infrastrukturumuza zərbələr endirərək böyük ziyana səbəb olur. Rusiyanın elektrik enerjisi istehsalı güclərimizə, enerji şəbəkələrimizə və sistemlərarası birləşdirici xətlərimizə qarşı əməliyyatı davam edir. Təkcə ötən gecə 17 ballistik raket buraxılıb və onlardan bəziləri Kremençukdakı neft emalı infrastrukturumuzu vurub. Ruslar enerji sahəsində gərginliyi azaltmaq üçün bircə addım belə atmayıblar. Biz buna müvafiq və ədalətli şəkildə cavab verəcəyik."