Azərbaycan News Agency

Ukrayna Prezidenti Zelenski vurğulayıb ki, Ukrayna bu müharibənin bir saniyəsini belə istəməyib.

Zelenski deyib ki, 11 martda ABŞ-ın tam atəşkəs təklifinə müsbət cavab verilib və əlavə edib: "Biz Rusiyaya ən azı mülki hədəflərə hücumları dayandırmağı təklif etdik. Həmçinin Pasxa atəşkəsini tam şəkildə qəbul edib otuz gün uzatmağı təklif etdik."

İnsan həyatının parada nisbətən daha qiymətli olduğunu vurğulayan Zelenski bildirib: "Bu səbəbdən biz hesab edirik ki, 8 mayadək gözləməyə heç bir ehtiyac yoxdur. Atəşkəs bir neçə gün davam edib sonra yenidən qırğınlara qayıdılmamalıdır. Bu dərhal, tam və şərtsiz olmalıdır – təhlükəsizlik və zəmanət üçün ən azı 30 gün. Bu, real diplomatiya üçün bir əsas ola bilər. Bu təklifi yenidən təsdiqləyirik. Amerika təklifi də hələ də masadadır. Rusiya nə etməli olduğunu və necə cavab verməli olduğunu çox yaxşı bilir."