Azərbaycan News Agency

Prezident Zelenski bildirib ki, BƏƏ-də Ukrayna, ABŞ və Rusiya nümayəndə heyətlərinin iştirakı ilə keçirilən danışıqlarla bağlı Ukrayna diplomatik komandası demək olar ki, hər saat məlumat verir.

Danışıqlarda müharibənin dayandırılmasına yönəlmiş parametrlərin müzakirə edildiyini qeyd edən Zelenski, indiyədək nümayəndə heyətlərinin Rusiyadan ən azı bəzi cavablar almalı olduğunu bildirib.

Zelenski deyib: “Əsas məsələ Rusiyanın özü başladığı bu müharibəni bitirməyə həqiqətən hazır olub-olmamasıdır. Ukraynanın mövqeyi aydındır. Nümayəndə heyətimiz üçün dialoqun çərçivəsini şəxsən mən müəyyən etmişəm.”

Bugünkü danışıqların məzmununa gəldikdə isə Zelenski hazırkı mərhələdə nəticə çıxarmağın hələ tez olduğunu deyərək əlavə edib:

“Sabah danışıqların necə davam edəcəyini və hansı nəticələr verəcəyini görəcəyik. Müharibənin dayandırılması və tam təhlükəsizliyin təmin olunması iradəsi yalnız Ukraynada deyil, eyni zamanda Rusiyada da müəyyən şəkildə ortaya çıxmalıdır.”