Azərbaycan News Agency

Ukrayna Prezidenti Zelenski Rusiyanın gecə həyata keçirdiyi PUA və ballistik raket hücumları ilə bağlı açıqlama verib. Zelenski Kiyev vilayətinin Puxivka yaşayış məntəqəsində bir evin hədəfə alınması nəticəsində 3 nəfərin, 3 yaşlı uşaq və onun nənəsi ilə babasının həyatını itirdiyini, daha 4 nəfərin isə yaralandığını bildirib. Zelenski Kiyevdə mülki infrastruktura qarşı həyata keçirilən 6 ballistik raket hücumunda da bir nəfərin öldüyünü qeyd edərək müxtəlif bölgələrin də hücumlara məruz qaldığını bildirib.

Zelenski Rusiyanın müharibəni davam etdirməsinin qarşısını almaq üçün daha çox təzyiqə və ballistik raket istehsalını məhdudlaşdıracaq yeni sanksiyalara ehtiyac olduğunu bildirib. Ukraynanın Patriot, SAMP/T, NASAMS və Hawk hava hücumundan müdafiə sistemləri, eləcə də F-16 təyyarələri üçün önləyici raketlərə ehtiyacı olduğunu qeyd edən Zelenski hava hücumundan müdafiə sistemlərinin Ukraynada olmasının insan itkilərinin qarşısının alınması baxımından kritik əhəmiyyət daşıdığını vurğulayıb.