Azərbaycan News Agency

Centcom, X-də etdiyi paylaşımda basqının cümə axşamı erkən saatlarda həyata keçirildiyini yazıb.

Centcom-un X-dəki xəbərinə görə, basqınla əlaqədar olaraq ordu çox sayda silah, əl qumbarası və partlayıcı intihar kəməri də tapıb.

Əməliyyat İŞİD liderlərini hədəf alaraq təşkilatın İraqdakı mülki şəxslərə, ABŞ vətəndaşlarına və bölgədəki ABŞ müttəfiqlərinə qarşı hücum planlaşdırmasını və həyata keçirməsini pozmaq məqsədi daşıyırdı.

Açıqlamada, "İŞİD bölgə, müttəfiqlərimiz və vətənimiz üçün təhdid olmağa davam edir. ABŞ Centcom, İraqla birlikdə bu terrorçuları aqressiv şəkildə izləməyə davam edəcək" deyilir.

NBC, basqınla əlaqədar olaraq ən azı altı əsgərin yaralandığını yazır. Yaralıların heç birinin həyati təhlükəsi olmamaqla yanaşı, çoxunun beyin silkələnməsi keçirdiyi və ən azı birinin də xarici yaralanmaya məruz qaldığı bildirilir. Centcom-a görə, heç bir mülki şəxs yaralanmayıb.