Azərbaycan News Agency

Ukrayna Xarici İşlər Nazirliyi Böyük Britaniyanın PURL təşəbbüsü çərçivəsində Ukraynaya 100 milyon funt sterlinq həcmində yeni müdafiə töhfəsi verdiyini açıqlayıb.

Nazirlik bildirib ki, sözügedən “qış paketi” çərçivəsində əlavə Patriot tutucu raketləri tədarük olunacaq və Rusiyanın Ukraynanın kritik infrastrukturuna və mülki şəxslərə hücumlarını davam etdirməsi səbəbindən bunun prioritet ehtiyac olduğu vurğulanıb. Açıqlamada həmçinin Storm Shadow istehsalının Ukraynada lokallaşdırılması, eləcə də pilotsuz uçuş aparatları və süni intellekt sahələrində birgə işlərin davam etdiyi qeyd olunub.