Azərbaycan News Agency

Qlobal istiqraz bazarlarında həftənin son ticarət günündə ABŞ istiqrazlarının gəlirliliyi azalıb, Yaponiyanın uzunmüddətli istiqrazlarının gəlirliliyi isə yüksəlib.

ABŞ-ın 10 illik istiqrazlarının gəlirliliyi 5,1 baza bəndi azalaraq 4,694 faizə, 30 illik istiqrazlarının gəlirliliyi isə 3,9 baza bəndi geriləyərək 5,236 faizə enib. ABŞ-ın 2 illik istiqrazlarının gəlirliliyi 4,3 baza bəndi azalaraq 4,248 faiz olub.

Yaponiyada 10 illik istiqrazların gəlirliliyi 3,4 baza bəndi artaraq 2,825 faizə yüksəlib, 30 illik istiqrazların gəlirliliyi 3,991 faizə, 40 illik istiqrazların gəlirliliyi isə 4,031 faizə çatıb.

İstiqraz fyuçerslərində ABŞ-ın 10 illik T-Note müqaviləsi 0,33 faiz artaraq 108,36 səviyyəsinə, 30 illik T-Bond müqaviləsi isə 0,58 faiz yüksələrək 108,94 səviyyəsinə çatıb.

Avropada Almaniyanın 10 illik istiqraz fyuçers müqaviləsi Euro Bund 0,17 faiz artımla 124,57 səviyyəsində ticarət olunub, Böyük Britaniyanın Gilt fyuçers müqaviləsi isə 0,30 faiz azalaraq 86,49 səviyyəsində qərarlaşıb.