Azərbaycan News Agency

Kanadanın xarici işlər naziri Anita Anand açıqlamasında Misirin xarici işlər naziri Bədr Əbdülati ilə görüşündə Kanada və Misir arasında uzun illərdir davam edən tərəfdaşlığı və Yaxın Şərqdəki hadisələri müzakirə etdiklərini qeyd edib.

Görüşdə güclü yağışların və sərt qış şəraitinin Qəzza əhalisinə dağıdıcı təsirləri, humanitar yardım fəaliyyətlərinə təcili dəstəyin göstərilməsi, bölgənin bərpası və yenidən qurulması prosesinin irəlilədilməsi məsələləri nəzərdən keçirilib. Anand Fələstində seçkilərin keçirilməsi üçün zəruri şəraitin yaradılmasının vacibliyini də vurğulayıb.

Anand iki ölkə arasında münasibətlərin dərinləşdirilməsi çərçivəsində strateji sektorlarda, xüsusilə kritik minerallar sahəsində ticarət və investisiyaların genişləndirilməsi imkanlarının da müzakirə olunduğunu bildirib. O, Misirin xarici işlər naziri Əbdülatini bu il ərzində Ottavada qəbul etməyi və tərəfdaşlığı daha da gücləndirməyi gözlədiyini ifadə edib.