Azərbaycan News Agency

Estoniyanın xarici işlər naziri Marqus Tsahkna açıqlamasında beynəlxalq əməkdaşlığa verdikləri töhfələrə görə üç həmkarını Estoniya Xarici İşlər Nazirliyinin Birinci dərəcəli Xidmət Ordeni ilə təltif etdiyini bildirib.

Tsahkna mükafatların Litva və İsveçin xarici işlər nazirlərinə, eləcə də Ermənistanın xarici işlər naziri Ararat Mirzoyana təqdim olunduğunu qeyd edib. O, bu töhfələrin Nordik-Baltik regionunda təhlükəsizliyin gücləndirilməsindən Ermənistanın Avropa ilə münasibətlərinin inkişaf etdirilməsinə qədər geniş sahələri əhatə etdiyini ifadə edib.

Tsahkna həmkarlarının liderlik keyfiyyətlərindən və ortaq dəyərlər istiqamətində həyata keçirdikləri fəaliyyətlərdən məmnunluğunu bildirib.