Azərbaycan News Agency

Kanadanın xarici işlər naziri Anita Anand Rusiyanın hərbi-sənaye kompleksini avadanlıqla təmin etdiyini bildirdiyi müdafiə şirkəti Streit Group-a qarşı sanksiya qərarının qəbul edildiyini açıqlayıb.

Anand paylaşımında sanksiyaların Kremlin Ukraynaya qarşı müharibəsini dəstəkləyən texnologiya və avadanlıq axınını pozmağı hədəflədiyini bildirib.

Rusiyanın müharibə mexanizminə töhfə verən şəxsləri və təşkilatları hədəf aldıqlarını bildirən Anand, Kanadanın Rusiyanın Ukraynaya qarşı genişmiqyaslı işğalından qazanc əldə edən şəxsləri və təşkilatları məsuliyyətə cəlb etməyə davam edəcəyini qeyd edib.