Azərbaycan News Agency

Avropa Parlamenti Prezidenti Roberta Metsola Tehranın küçələrindən Avropa Parlamentinin mərkəzinə qədər İranın azad olacağı mesajının verildiyini qeyd edib.

Metsola bildirib ki, Avropa Parlamenti böyük səs çoxluğu ilə qəbul etdiyi qərarla İranda zorakılığa son qoyulmasına, dinc etirazçılara qarşı müdaxilələrin və edamların dayandırılmasına, saxlanılan nümayişçilərin və siyasi məhbusların azad edilməsinə çağırıb. Qərarda həmçinin İran İnqilabı Keşikçiləri Korpusunun terror təşkilatı kimi tanınması və məsul şəxslərin cavabdehlik daşıması üçün addımlar atılması tələb olunub.

Metsola İran xalqına aşağıdakı sözlərlə də müraciət edib:

“Hətta kabellər kəsilsə belə, sizi eşidirik. Elektrik kəsintiləri olduqda belə, sizi görürük. Siz tək deyilsiniz. Avropa Parlamenti hər zaman sizin yanınızdadır.”