Azərbaycan News Agency

Hanukanın birinci gününü qeyd etmək üçün təşkil olunan tədbirdə iki silahlı hücumçunun atəş açması nəticəsində 15 nəfər həlak olub.

Albanize Kanberrada jurnalistlərə açıqlamasında yeni qanunların “nifrət, parçalanma və radikallaşma yayanları” hədəf alacağını deyib.

Daxili İşlər Nazirinə (Home Affairs) nifrət yayanların vizalarını ləğv etmək və ya rədd etmək üçün yeni səlahiyyətlər veriləcək, həmçinin təhsil sisteminin “antisemitizmin qarşısını almasını, onunla mübarizə aparmasını və uyğun şəkildə cavab verməsini” təmin etmək üçün yeni işçi qrup yaradılacaq.

Yeni qanunlar həmçinin zorakılığı təşviq edən vaizlər və liderlər üçün cəzalar, “ağırlaşdırılmış nifrət nitqi” adı altında yeni federal cinayət tərkibi, eləcə də onlayn təhdid və təqib cinayətlərində “nifrət”in ağırlaşdırıcı hal kimi tətbiqini nəzərdə tutur.

Albanize deyib: “Hər bir yəhudi avstraliyalı böyük millətimizə verdikləri töhfələrə görə özünü təhlükəsiz, dəyərli və hörmətli hiss etmək hüququna malikdir.”