Azərbaycan News Agency

Antonio Kosta, Avropa İttifaqının hadisə ilə bağlı hərtərəfli araşdırma məsələsində Azərbaycanın mövqeyini dəstəklədiyini vurğulayıb və təyyarə qəzası ilə bağlı Prezident İlham Əliyevə və Azərbaycan xalqına başsağlığı verib.

Prezident İlham Əliyev başsağlığına görə minnətdarlığını bildirib.

Telefon danışığı zamanı Azərbaycan ilə Avropa İttifaqı arasında nəqliyyat sahəsində əməkdaşlıq, xüsusilə Trans-Xəzər-Orta Dəhliz marşrutu ilə yük daşımaları, Xəzər və Qara dəniz hövzələrini birləşdirən yaşıl enerji dəhlizləri, Azərbaycanın Aİ üzv ölkələrinə qaz ixracı və enerji sektorundakı əməkdaşlıq məsələləri müzakirə olunub. Hər iki tərəf əlaqələri davam etdirmək barədə razılığa gəliblər.