Azərbaycan News Agency

ABŞ-ın Ankaradakı səfiri Tom Barrack İraqda yeni hökumətin Nümayəndələr Şurası tərəfindən təsdiqlənməsindən sonra təbrik mesajı yayımlayıb.

Yeni hökumətə dəstək mesajı verən Barrack bildirib: “İraqın Baş naziri Əli əl-Zaidini parlamentin etimadını qazanması və hökumətinin Nümayəndələr Şurası tərəfindən təsdiqlənməsi münasibətilə təbrik edirik”.

Əməkdaşlığı vurğulayan Barrack deyib: “Yeni rəhbərliyiniz bizi ruhlandırır və ortaq maraqlarımıza uyğun cəsarətli və yeni gündəm üzərində əməkdaşlıq etməyi səbirsizliklə gözləyirik”.

ABŞ-ın strateji baxışı ilə bağlı Barrack qeyd edib: “Prioritetimiz qonşuları ilə sülh içində yaşayan, bütün vətəndaşları üçün imkan və inkişaf təmin edən suveren, firavan və sabit İraqı ABŞ ilə qarşılıqlı faydalı tərəfdaşlıq çərçivəsində qurmaqdır”.

Terrorla mübarizə və regional sabitliyi vurğulayan Barrack açıqlamasını belə yekunlaşdırıb:

“Prezident Tramp, nazir Rubio və ABŞ, İraq xalqının rifahı və xalqın inkişafına hər zaman maneə olmuş terrorizmin aradan qaldırılması kimi ortaq məqsədlərimizi irəli aparmaq üçün sizin və hökumətinizlə sıx əməkdaşlığa hazırdır.”