Azərbaycan News Agency

Con F. Kennedi Kosmik Mərkəzinin ictimaiyyətlə əlaqələr üzrə nümayəndəsi Stiven Siselof bunun agentlik tarixində əhəmiyyətli bir mərhələ olduğunu söylədi.

Siselof qeyd etdi ki, bu müddət ərzində çox şeyə nail olunub: “Bu, şübhəsiz ki, mühüm bir mərhələdir və NASA bunu noyabrda qeyd edəcək.”

“Əgər insanlı kosmik uçuşların tarixinə baxsaq, bir çox nailiyyətlərin məhz kosmik stansiyanın araşdırmaları və tarixi sayəsində mümkün olduğunu görə bilərik,” – deyə o əlavə etdi.

BKS-nin inşasına 1998-ci ilin noyabrında başlanılıb. Rusiya, ABŞ, Fransa, Yaponiya, Almaniya və Böyük Britaniya da daxil olmaqla 16 ölkədən nümayəndələr iştirak ediblər. 2000-ci il noyabrın 2-də ilk uzunmüddətli ekspedisiya başladılıb. Ekipajın komandiri amerikalı astronavt Uilyam Şepard olub, komandaya rus kosmonavtları Yuri Gidzenko və Sergey Krikalev də daxil idi.

Qlobal təşəbbüs olan BKS 23 ölkədən 280-dən çox insan və müxtəlif beynəlxalq və kommersiya kosmik gəmiləri tərəfindən ziyarət edilib. Unikal mikroqravitasiya laboratoriyası 110-dan çox ölkədən 5000-dən çox tədqiqatçının 4000-dən artıq eksperimentinə ev sahibliyi edib. BKS həmçinin aşağı Yer orbitində tədqiqat, texnologiya inkişafı və yük və heyət daşıma üzrə kommersiya bazarının böyüməsinə dəstək verir.