Azərbaycan News Agency

Litvanın xarici işlər naziri Kestutis Budris Taylandın Baş nazirinin müavini və xarici işlər naziri Sihasak Phuangketkeow ilə görüş keçirib.

Görüşdə iki ölkə arasında iqtisadi və strateji əməkdaşlığın inkişaf etdirilməsi məsələləri müzakirə olunub.

Budris bildirib ki, tərəflər investisiya, yüksək texnologiyalar sənayesi və kibertəhlükəsizlik sahələrində əməkdaşlığın gücləndirilməsi ilə bağlı fikir mübadiləsi aparıblar.

Budris vurğulayıb ki, Tayland Litva üçün Cənub-Şərqi Asiyada mühüm tərəfdaşdır və onlar ikitərəfli münasibətləri, eləcə də işgüzar dairələr arasında əlaqələri daha da dərinləşdirməkdə qərarlıdırlar.