Azərbaycan News Agency

Litvanın xarici işlər naziri Kestutis Budrys Rusiyanın Ukraynaya qarşı hücumları ilə bağlı açıqlamasında Qara dənizdə baş verən hadisələrdən təəssüfləndiyini bildirib. Budrys insan tələfatından kədərləndiyini qeyd edərək NATO müttəfiqləri Rumıniya, Bolqarıstan və Türkiyə ilə həmrəy olduqlarını ifadə edib.

Rusiyanın ticarət gəmilərinə və Ukraynanın taxıl ixracına hücumlarının beynəlxalq hüququn sərbəst naviqasiya ilə bağlı müddəalarını pozduğunu bildirən Budrys bu hücumların qlobal ərzaq təhlükəsizliyini zəiflətdiyini və Qara dənizdən taxıl tədarükündən asılı olan ölkələri təhdid etdiyini qeyd edib.

Budrys Rusiyanın artan gərginlik yaradan hərəkətlərinin Qara dəniz təhlükəsizliyi, qlobal ticarət və beynəlxalq ərzaq bazarlarının sabitliyi üçün təhlükə yaratdığını bildirib.