Azərbaycan News Agency

Özbəkistanın xarici işlər naziri Baxtiyor Saidov Əlcəzairin Mədənlər və Mədən Sənayeləri naziri Mourad Hanifi ilə görüşü barədə açıqlama verib.

Saidov Özbəkistan ilə Əlcəzair arasındakı münasibətlərin müxtəlif sahələrdə inkişaf etdiyini bildirərək, iyun ayında Əlcəzairə səfəri zamanı Hanifi ilə gələcək əməkdaşlıq istiqamətlərini müzakirə etdiklərini və son görüşün bu dialoqun davamı olduğunu qeyd edib.

Görüşdə mineral ehtiyatların geoloji tədqiqi, potensial yataqların işlənməsi və birgə layihələrin həyata keçirilməsi üzrə əməkdaşlıq imkanları müzakirə olunub.

Tərəflərin həmçinin xammalın dərin emalı və daha yüksək əlavə dəyərə malik məhsulların istehsalı üzrə əməkdaşlıq perspektivlərini qiymətləndirdiyi bildirilib.