Azərbaycan News Agency

Avropa Komissiyasının sədri Ursula von der Leyen Qara dənizdəki son hadisələrlə bağlı açıqlamasında ticarət gəmilərinin və onların heyətlərinin hədəfə alındığını, dənizdə insan tələfatının baş verdiyini bildirib.

Von der Leyen bu gün Bolqarıstanın Qara dənizdəki iqtisadi zonasında iki ticarət gəmisinin vurulduğunu, bunun isə Ukrayna taxılı daşıyan Türkiyəyə məxsus gəminin Rumıniya sahilləri yaxınlığında vurularaq batırılmasından cəmi bir gün sonra baş verdiyini qeyd edib.

Hadisələrin dəqiq şəraitinin hələ müəyyənləşdirildiyini bildirən von der Leyen inkişafların ciddi narahatlıq doğurduğunu və mülki dəniz nəqliyyatına hücumların qəbuledilməz olduğunu deyib. O, həmçinin Avropa İttifaqının şərq cinahındakı üzv dövlətlərlə tam həmrəylik içində olduğunu bildirib.