Azərbaycan News Agency

Əmtəə bazarlarında ticarət olunan məhsulların qiymətlərində qarışıq dinamika müşahidə olunub. Qızıl, gümüş, mis, soya paxlası və buğdanın qiymətləri yüksəldiyi halda, enerji məhsullarının əksəriyyətində ucuzlaşma qeydə alınıb.

Qızılın bir unsiyasının qiyməti 0,74 faiz artaraq 3.913,95 dollara, gümüşün qiyməti isə 0,30 faiz yüksələrək 50,215 dollara çatıb. Misin qiyməti 0,16 faiz artaraq 6,2028 dollara yüksəlib.

Enerji bazarında Qərbi Texas markalı (WTI) xam neftin qiyməti 0,56 faiz azalaraq 88,24 dollara, Brent markalı neftin qiyməti isə 0,28 faiz geriləyərək 95,55 dollara düşüb. Təbii qaz 0,80 faiz, istilik yanacağı 0,36 faiz, RBOB benzini isə 0,64 faiz dəyər itirib.

Kənd təsərrüfatı məhsulları arasında ABŞ soya paxlasının qiyməti 0,86 faiz artaraq 1.229,50 dollara, ABŞ buğdasının qiyməti isə 1,36 faiz yüksələrək 590,40 dollara çatıb.