Azərbaycan News Agency

Suriya Prezidenti Əhməd əş-Şara dünən Dəməşqdəki Xalq Sarayında texnologiya və innovasiya sektorunda fəaliyyət göstərən suriyalı mütəxəssislərdən ibarət nümayəndə heyəti ilə görüşüb.

Suriya Prezident Administrasiyasının açıqlamasına görə, görüşdə qlobal texnologiya şirkətlərində çalışan suriyalılarla yanaşı, texnologiya sahəsində fəaliyyət göstərən sahibkarlar, investorlar və tədqiqatçılar iştirak ediblər. Görüşdə Suriyanın rabitə və informasiya texnologiyaları naziri Əbdüssəlam Heykəl də iştirak edib.

Görüş zamanı Suriyada texnologiya sektorunun inkişaf etdirilməsi imkanları müzakirə olunub. Süni intellekt və rəqəmsal transformasiya sahələrində suriyalı mütəxəssislərin və ixtisaslı insan resurslarının təcrübəsindən istifadə edilməsi, innovasiya və sahibkarlığın dəstəklənməsi, eləcə də qlobal texnologiya şirkətləri və qurumları ilə əməkdaşlıq imkanlarının genişləndirilməsi məsələləri ətrafında fikir mübadiləsi aparılıb.