Azərbaycan News Agency

Xorvatiyanın Baş naziri Andrey Plenkoviç Zaqrebin Dubrava rayonunda yerləşən Müqəddəs XXIII İoann Kilsəsinin yaradılmasının 25-ci ildönümünün qeyd edildiyini bildirib.

Plenkoviç qeyd edib ki, yubiley tədbirləri çərçivəsində keçirilən dini ayin və zənglərin təqdis edilməsi mərasimi Mostar-Duvno yepiskopu və Trebinye-Mrkan apostol administratoru Petar Paliç tərəfindən icra olunub.

Xorvatiya hökumətinin zəng qülləsinin abadlaşdırılmasına və pastoral mərkəzdə işlərin tamamlanmasına dəstək verdiyini bildirən Plenkoviç mərkəzin çoxsaylı kilsə icması üzvlərinin fəaliyyəti və görüşləri üçün mühüm məkan olduğunu vurğulayıb.

Plenkoviç deyib: “Fədakar fəaliyyətinə və kilsə icması üçün gördüyü bütün işlərə görə keşiş Kristi Brkiçə təşəkkür edirəm”.