Azərbaycan News Agency

İtaliyanın Baş naziri Giorgia Meloni Səudiyyə Ərəbistanının paytaxtı Ər-Riyaddakı hava limanını hədəf alan husi hücumlarını pisləyib.

Meloni açıqlamasında Səudiyyə Ərəbistanı və hücumda həyatını itirənlərin ailələri ilə həmrəy olduğunu bildirib və yaralılara tezliklə şəfa arzulayıb.

Mülki şəxslərə və mülki infrastruktura qarşı hücumların qəbuledilməz olduğunu vurğulayan Meloni bu hücumların dayandırılmalı olduğunu bildirib.

Meloni İtaliyanın bölgədə gərginliyi azaltmaq, sabitliyi dəstəkləmək və dəniz nəqliyyatı azadlığını təmin etmək məqsədilə region ölkələri ilə əməkdaşlığı davam etdirəcəyini qeyd edib.