Azərbaycan News Agency

Estoniyanın xarici işlər naziri Tsahkna Moldovanın xarici işlər naziri Mihai Popșoi ilə birlikdə Moldovanın Bălți şəhərində Estoniya Beynəlxalq İnkişaf Əməkdaşlığı Mərkəzinin (ESTDEV) IMPACT North proqramını başlatdıqlarını bildirib.

Tsahkna proqram çərçivəsində Moldovanın şimalındakı icmaların investisiya cəlb etməsinə və yerli ideyaları insanların həyatını yaxşılaşdıracaq layihələrə çevirməsinə dəstək veriləcəyini bildirib.

Estoniyanın regional inkişaf və Avropa İttifaqı (Aİ) fondlarından istifadə sahəsindəki təcrübəsinin Moldova ilə bölüşüləcəyini deyən Tsahkna bunun ölkənin Aİ-yə üzvlük prosesindəki imkanlardan daha çox yararlanmasına töhfə verəcəyini qeyd edib.

Tsahkna, “Daha güclü Moldova daha güclü və daha təhlükəsiz Avropa deməkdir”, - deyib.