Azərbaycan News Agency

Fələstin Xarici İşlər Nazirliyi yaydığı bəyanatda keçmiş xarici işlər naziri Nasir əl-Qudvanın Fələstinin Cənubi Afrikadan Beynəlxalq Ədalət Məhkəməsində İsrailə qarşı qaldırılmış soyqırımı iddiasını geri götürməsini istədiyi barədə səsləndirdiyi iddiaları təkzib edib.

Nazirlik bildirib ki, əl-Qudvanın sosial media üzərindən verdiyi açıqlamalar Fələstin diplomatiyasını hədəf alan qəsdən verilmiş bəyanatlardır.

Bəyanatda vurğulanıb ki, media qurumları, podkast proqramı hazırlayanlar və sosial media istifadəçiləri bu cür iddiaları yayarkən düzgünlük, qərəzsizlik və məsuliyyət prinsiplərinə riayət etməlidirlər.