Azərbaycan News Agency

Nazirliyin açıqlamasında bildirilib ki, Kolumbiyanın qərarı beynəlxalq hüququn, Birləşmiş Millətlər Təşkilatının Nizamnaməsinin və beynəlxalq legitimlik qərarlarının açıq şəkildə pozulmasıdır və bu qərar işğal və ilhaq siyasətlərinə qəbuledilməz dəstək deməkdir.

Açıqlamada Fələstinin bu mövqeyi qəti şəkildə rədd etdiyi və işğal altındakı Qolan təpələrinin Suriya Ərəb Respublikasının ərazisinin ayrılmaz hissəsi olduğu vurğulanıb. Qolan təpələrinin beynəlxalq hüquqa və BMT-nin müvafiq qərarlarına əsasən işğal altındakı Suriya ərazisi olduğu qeyd edilərək, BMT Təhlükəsizlik Şurasının 1981-ci il tarixli 497 saylı qətnaməsinə istinad edilib.

Açıqlamada Fələstinin Suriyanın işğal altındakı bütün ərazilərini geri qaytarmaq hüququnu dəstəklədiyi bildirilib və Kolumbiya hökumətinə qərarından geri çəkilmək, beynəlxalq hüquqa və beynəlxalq legitimlik qərarlarına riayət etmək çağırışı edilib.

Açıqlamada həmçinin Yaxın Şərqdə sülh, təhlükəsizlik və sabitliyin təmin edilməsinin İsrail işğalına son qoyulmasını tələb etdiyi bildirilib.