Azərbaycan News Agency

Qətər Xarici İşlər Nazirliyinin baş katibi Əhməd bin Həsən Əl-Həmmadi Keniya Respublikasının Xarici İşlər və Diaspora Məsələləri Nazirliyinin baş katibi Abraham Korir Sing'Oei və onu müşayiət edən nümayəndə heyəti ilə görüşüb.

Qətər Xarici İşlər Nazirliyinin açıqlamasına görə, görüşdə iki ölkə arasında ikitərəfli əməkdaşlıq müzakirə olunub. Tərəflər xüsusilə iqtisadiyyat, investisiya, enerji, təhsil, əmək qüvvəsi və aviasiya sahələrində əməkdaşlığın gücləndirilməsi və genişləndirilməsi yollarını nəzərdən keçiriblər.

Görüşdə həmçinin qarşılıqlı maraq doğuran regional və beynəlxalq məsələlər ətrafında fikir mübadiləsi aparılıb.