Azərbaycan News Agency

Fələstinin xarici işlər və mühacirlər naziri Varsen Ağabekyan Şahin Ramallah və Əl-Birə Ticarət və Sənaye Palatasının İdarə Heyətinin üzvlərindən ibarət nümayəndə heyətini qəbul edib. Əbdül Qəni Əttarinin rəhbərlik etdiyi nümayəndə heyəti ilə görüşdə İqtisadi Əməkdaşlıq İdarəsinin direktoru, baş müşavir Mustafa Bərğuti də iştirak edib.

Görüş zamanı Fələstin Xarici İşlər Nazirliyinin, eləcə də xaricdəki səfirlik və nümayəndəliklərinin milli qurumlara və sektorlara dəstək verməyə hazır olduğu bildirilib. Şahin qeyd edib ki, bu dəstək iqtisadi tərəfdaşlıqlar üçün yeni imkanların yaradılmasına və Fələstin məhsullarının beynəlxalq bazarlarda mövqeyinin gücləndirilməsinə töhfə verəcək.

Ticarət və Sənaye Palatasının sədri Əttari isə Xarici İşlər Nazirliyinin və diplomatik nümayəndəliklərin dost ölkələrlə əməkdaşlıq imkanlarının inkişaf etdirilməsində, tərəfdaşlıqların qurulmasında və xarici investorların Fələstinə cəlb edilməsində oynadığı rola diqqət çəkib.

Əttari bildirib ki, bu səylər fələstinli gənclər üçün məşğulluq imkanlarının yaradılmasına, yerli istehsalın və Fələstin sənayesinin dəstəklənməsinə töhfə verəcək.

Görüşdə milli iqtisadiyyata töhfə vermək və Fələstinin özəl sektorunu dəstəkləmək məqsədilə koordinasiyanın və birgə fəaliyyətin davam etdirilməsinin vacibliyi vurğulanıb.