Azərbaycan News Agency

San-Fransiskodakı federal münsiflər heyəti qərara alıb ki, ABŞ texnologiya nəhəngi Google, istifadəçilər məxfilik rejimində olsalar belə, smartfon tətbiqləri vasitəsilə məlumat topladığı üçün 425 milyon dollar təzminat ödəməlidir.

Google-a qarşı beş il əvvəl qaldırılan kollektiv iddiada şirkətin istifadəçiləri izlədiyi, onlar haqqında məlumat topladığı və telefon parametrlərindən asılı olmayaraq satdığı iddia edilirdi. İddiaçıların vəkilləri Google-un təhlükəsizlik və məxfilik barədə bütün açıqlamalarının tamamilə yalan olduğunu bildiriblər.

Şirkət sözçüsü bildirib ki, qərar bu məhsulların necə işlədiyinə dair anlaşılmazlığa əsaslandığı üçün ona etiraz ediləcək. O əlavə edib ki, Google-un məxfilik vasitələri istifadəçilərə öz məlumatları üzərində tam nəzarət imkanı verir və şirkət buna tam hörmətlə yanaşır.