Azərbaycan News Agency

BMT-nin Baş katibi Antonio Guterres qlobal böhrana çevrilən qadınlara qarşı zorakılığa son qoyulmasının davamlı inkişaf və insan hüquqları üçün əsas tələb olduğunu vurğulayıb.

Problemin qlobal miqyasına diqqət çəkən Guterres, “Qadınlara və qızlara qarşı zorakılıq qlobal miqyasda davam edən və geniş yayılmış problemdir.” deyə bildirib.

Problemin həllinin insan hüquqları və inkişaf baxımından əhəmiyyətinə toxunan Guterres, “Bu böhrana son qoymaq davamlı inkişaf və insan hüquqları üçün zəruridir.” ifadələrini işlədib.

Guterres açıqlamasını “Sınaqdan keçmiş, yerli səviyyədə həllər təqdim edən qadın təşkilatlarına sərmayə yatıraq və hər kəs üçün təhlükəsiz və ləyaqətli bir dünya quraq.” çağırışı ilə tamamlayıb.