Azərbaycan News Agency

Ukrayna Prezidenti Volodimir Zelenski NATO-nun Baş katibi Mark Rutte ilə danışaraq Rusiyanın hücumları, Ukraynanın müdafiə infrastrukturu və diplomatik təmaslar barədə fikir mübadiləsi aparıb.

Danışığın əsas gündəm mövzularını açıqlayan Zelenski, “NATO-nun Baş katibi Mark Rutte ilə danışdım. Ona Rusiya hücumları, müdafiə ehtiyaclarımız və ABŞ Prezidentinin nümayəndələri ilə keçiriləcək görüşlərə hazırlıq barədə məlumat verdim.” deyib.

Diplomatik təşəbbüslər və müdafiənin maliyyələşdirilməsi məsələsində ortaq yanaşmaya diqqət çəkən Zelenski, “İkincisi, müdafiənin maliyyələşdirilməsindəki boşluğu aradan qaldırmaq ehtiyacımızı dinlədiklərinə görə tərəfdaşlarımıza təşəkkür edirəm. Bunun üzərində işləyirik.” deyə bildirib.

Rutte ilə Patriot raketləri və dəstək layihələri barədə dialoqa toxunan Zelenski açıqlamasını, “Mark mənə PURL təşəbbüsünün maliyyələşdirilməsi və Ukraynanın ehtiyac duyduğu Patriot raketləri ilə bağlı apardığı danışıqlar barədə məlumat verdi. Dəstəyiniz üçün təşəkkür edirəm!” sözləri ilə tamamlayıb.