Azərbaycan News Agency

İsrail Müdafiə Qüvvələri (IDF) Qəzza zolağının cənubunda həyata keçirdiyi əməliyyat barədə yazılı açıqlama verib.

Açıqlamada HƏMAS-ın maliyyə köçürmə infrastrukturunda fəaliyyət göstərdiyi iddia edilən Hasin Kedra və Məhəmməd Faranın zərərsizləşdirildiyi bildirilib.

Həmin şəxslərin HƏMAS-ın hərbi qanadı olan İzzəddin əl-Qəssam Briqadaları ilə əlaqəli bir struktur daxilində fəaliyyət göstərdiyi iddia olunub.

IDF bu strukturun Qəzzaya maliyyə köçürmələrini təşkil etdiyini və bu şəbəkə vasitəsilə HƏMAS-a əhəmiyyətli həcmdə resurs ötürüldüyünü irəli sürüb.

Açıqlamada qeyd olunub ki, həmin resurslar təşkilatın hərbi fəaliyyətlərinin maliyyələşdirilməsində istifadə edilirdi.