Azərbaycan News Agency

İran Xarici İşlər Nazirliyinin sözçüsü Baqayi ABŞ və Böyük Britaniyanın Yəmənin Səna, Əl-Hudeydə və Amran vilayətlərindəki infrastrukturuna qarşı hərbi hücumlarını bərpa etməsini kəskin şəkildə qınayıb.

Baqayi qeyd edib ki, bu cinayətkar əməllər Yəmən xalqının Fələstinin məzlum xalqına dəstək vermək və həmrəylik nümayiş etdirmək əzmini zəiflətməyəcək.

O vurğulayıb ki, ABŞ və Böyük Britaniyanın Yəmənin infrastrukturuna təkrar hücumları sionist rejimi dəstəkləmək və fələstinlilərə qarşı davam edən soyqırımın bir hissəsi kimi həyata keçirilir.

Baqayi bu hücumları beynəlxalq hüququn və BMT Nizamnaməsinin prinsiplərinin açıq-aşkar pozuntusu kimi xarakterizə edib və onların Roma Statutuna əsasən "təcavüz cinayətləri" hesab edildiyini bildirib.