Azərbaycan News Agency

İran Xarici İşlər Nazirliyi Hindistanın Müstəqillik Günü münasibətilə Hindistan hökumətinə və xalqına təbrik mesajı göndərib.

Nazirliyin sosial media hesabında yayımlanan açıqlamada İran İslam Respublikasının Hindistan Respublikasının Müstəqillik Günü münasibətilə “dost hökumətə və xalqa səmimi təbriklərini” çatdırdığı bildirilib.

Açıqlamada iki ölkə arasında münasibətlərin inkişaf etdirilməsi istiqamətində qətiyyətin davam etdiyi vurğulanaraq, qarşılıqlı maraq və faydanın olduğu bütün sahələrdə ikitərəfli münasibətlərin və əməkdaşlığın daha da gücləndirilməsinin hədəfləndiyi qeyd olunub.