Azərbaycan News Agency

İsrail Müdafiə Qüvvələri (IDF) yaydığı açıqlamada Qəzza zolağının cənubunda həftəsonu həyata keçirilən hava hücumunda İslami Cihadın hərbi qanadına bağlı Nuxba üzvü olduğu bildirilən Amro Abu al-Rişin öldürüldüyünü açıqlayıb.

Açıqlamada Abu al-Rişin daha əvvəl israilli bir mülki şəxsin İslami Cihadın əsarətindən çıxarılması prosesində iştirak etdiyi, müharibə boyunca İsrail ordusuna qarşı fəaliyyət göstərdiyi və son dövrdə təşkilatın imkanlarının yenidən qurulması işlərinə qatıldığı iddia olunub.

IDF Qəzza zolağının şimalında həyata keçirilən ayrıca hava hücumunda HƏMAS polis qüvvələrində xidmət etdiyi və təşkilatın hərbi qanadında bölük komandirinin müavini olduğu bildirilən Abd al-Nasser al-Aziz Muqadamanın öldürüldüyünü açıqlayıb. Açıqlamada Muqadamanın son dövrdə İsrail əsgərləri və mülki şəxslərinə qarşı hücum planlarında iştirak etdiyi irəli sürülüb.

İsrail ordusu sözügedən şəxslərin dəqiq hava hücumları ilə hədəfə alındığını bildirib, Cənub Komandanlığına tabe bölmələrin razılaşmalara uyğun şəkildə ərazidə yerləşdirilməsini davam etdirdiyini və əməliyyatlarını sürdərəcəyini qeyd edib.