Azərbaycan News Agency

İsrail Müdafiə Qüvvələri (IDF) açıqlamasında Qəzza zolağının şimalında həyata keçirilən hücum zamanı HƏMAS-ın silahlı qanadında fəaliyyət göstərən Məhəmməd Məhəmməd Əbdülxaliq Halanın öldürüldüyünü bildirib.

IDF-nin açıqlamasına görə, Hala 7 oktyabr hücumları zamanı İsrail ərazisinə daxil olub. Halanın HƏMAS-ın silah istehsalı bölməsində komandir vəzifəsində çalışdığı, müxtəlif silahların istehsalına kömək etdiyi və təşkilatın Qəzza zolağındakı hərbi imkanlarının inkişafında rol oynadığı iddia edilib.

İsrail ordusu Xan Yunis bölgəsində həyata keçirilən başqa bir hücumda isə Fələstin İslami Cihadının silahlı qanadının üzvü Əhməd Cəbrin Tofiq Dalahın öldürüldüyünü açıqlayıb.

Açıqlamada həmin şəxslərin son dövrlərdə İsrail əsgərlərinə və mülki şəxslərinə qarşı hücumlar planlaşdırdıqları və təşkilatın imkanlarını yenidən bərpa etməyə çalışdıqları iddia olunub. İsrail ordusu bu fəaliyyətlərin atəşkəsin sistematik şəkildə pozulması demək olduğunu bildirib.