Azərbaycan News Agency

Monteneqronun Baş naziri Miloyko Spayiç Dünya İqtisadi Forumu çərçivəsində ekspertlərlə keçirdiyi görüşlərdə qlobal iqtisadi problemləri müzakirə edib.

Spayiç açıqlamasında Ukrayna və Yaxın Şərqdəki müharibələrin böyük ölçüdə təsir etdiyi idxal inflyasiyasının, enerji və ərzaq qiymətlərinin artmasının, eləcə də gözlənilməz geosiyasi hadisələrin ciddi çətinliklər yaratdığını bildirib.

Avro modelinin bu şəraitdə zəruri islahat olduğunu vurğulayan Spayiç subsidiyaların və endirim kampaniyalarının yalnız qısamüddətli rahatlıq təmin edə biləcəyini qeyd edib.

Spayiç əməkhaqqı strukturunun və vergi sisteminin daha dayanıqlı hala gətirilməsinin vətəndaşların həyat səviyyəsini qorumaq üçün uzunmüddətli və davamlı mexanizm yaradacağını vurğulayıb.