Azərbaycan News Agency

Estoniyanın xarici işlər naziri Marqus Tsahkna iqtisadiyyat və sənaye naziri Liina Vahtrası Xarici İşlər Nazirliyində qəbul edib.

Estoniya şirkətlərinin ölkə iqtisadiyyatındakı roluna diqqət çəkən Tsahkna açıqlamasında şirkətlərin beynəlxalq bazarlarda uğur qazanmasına dəstək verməyi hədəflədiklərini bildirib. Bu çərçivədə yeni bazarlara çıxışın asanlaşdırılmasının, ixracın artırılmasının və investisiyaların cəlb edilməsinin vacibliyini vurğulayıb.

Tsahkna Estoniyanın iqtisadi maraqlarını inkişaf etdirmək üçün xarici siyasətlə iqtisadi siyasətin birlikdə fəaliyyət göstərməli olduğunu bildirərək, əməkdaşlıq sayəsində Estoniya şirkətlərinin dünya üzrə daha çox bazara çıxa biləcəyini qeyd edib.