Azərbaycan News Agency

İsrail Xarici İşlər Nazirliyi Qəzzada mülki şəxslərin zərər gördüyü hadisələrlə bağlı iki cinayət araşdırmasının başladıldığını açıqlayıb.

Nazirliyin açıqlamasında İsrail Müdafiə Qüvvələrinin (İDF) Qəzzada terrorçulara qarşı aparılan döyüşlər zamanı mülki şəxslərin zərər gördüyü faciəli hadisələrlə bağlı iki cinayət araşdırmasına başlamaq qərarı verdiyi bildirilib.

Açıqlamada araşdırmaların İsrailin hüquq-mühafizə sisteminin gücünü, şəffaflıq və hesabatlılığa sadiqliyini nümayiş etdirdiyi iddia olunub.

İsrailin terror təşkilatları ilə mübarizə də daxil olmaqla, hüququn aliliyinin ən yüksək standartlarını qorumağa davam edəcəyi bildirilib.