Azərbaycan News Agency

İsrailin xarici işlər naziri Gideon Saar ABŞ-ın İsraildəki səfiri Mayk Hakabi ilə birlikdə Qüdsdə inşa ediləcək daimi ABŞ səfirliyi üçün torpaq ayrılması haqqında saziş imzaladıqlarını açıqlayıb.

Saar ABŞ Prezidenti Donald Trampın səfirliyin Qüdsə köçürülməsi barədə qərarını "tarixi ədalətin bərpası" kimi qiymətləndirərək, bunun son illərin ən mühüm diplomatik qərarlarından biri olduğunu bildirib.

Saar deyib: "Birləşmiş Ştatlar İsrail üçün həyati və əvəzolunmaz olduğu kimi, İsrail də Birləşmiş Ştatlar və onun regiondakı maraqları üçün həyati əhəmiyyət daşıyır. Qüdsdəki El Albi kompleksində yerləşən torpaq hökumətin qərarına uyğun olaraq daimi səfirlik üçün ayrılacaq. Ölkələrimiz arasındakı münasibətləri gücləndirməyə davam edəcəyik."