Azərbaycan News Agency

İsrail Xarici İşlər Nazirliyi Reuters-in İranla əlaqəli olduğu bildirilən 4 milyard dollarlıq qanunsuz qumar və kriptovalyuta şəbəkəsi ilə bağlı araşdırmasını paylaşaraq, İran rejiminin terror fəaliyyətlərini qanunsuz maliyyələşdirmə ilə dəstəklədiyini iddia edib. Nazirliyin açıqlamasında bildirilib ki, çirkli pulların yuyulması, mütəşəkkil cinayətkarlıq və narkotik qaçaqmalçılığı kimi fəaliyyətlərdən əldə olunan gəlirlər Hizbullah kimi vəkil qrupların maliyyələşdirilməsində istifadə olunur. Reuters-in araşdırmasına görə isə Dubayda yerləşən lisenziyasız kriptovalyuta birjası vasitəsilə sanksiyalardan yayınmağa xidmət edən ən azı 4 milyard dollarlıq maliyyə şəbəkəsi müəyyən edilib.