Azərbaycan News Agency

Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas İsrail hakimiyyətinin Aİ-nin Rəfah və İordan çayının qərb sahilindəki iki Ümumi Təhlükəsizlik və Müdafiə Siyasəti missiyasının mandatını uzatmaq qərarı ilə bağlı açıqlama verib.

Kallas aylarla davam edən diplomatik danışıqlardan sonra qəbul edilən qərarın mühüm addım olduğunu bildirib və mandatların uzadılmasını təmin edən işlərinə görə Avropa Xarici Fəaliyyət Xidmətinə və aidiyyəti üzv ölkələrə təşəkkür edib.

Kallas missiyaların keçid məntəqələrinin daha təhlükəsiz və səmərəli olmasına kömək etmək, Fələstin polis qüvvələrini dəstəkləmək və regional sabitliyə töhfə vermək kimi məqsədlərə malik olduğunu bildirib. O, Aİ missiyalarının öz vəzifələrini yerinə yetirmək üçün bütün aidiyyəti tərəflərlə işləməyə davam etdiyini qeyd edib.

Kallas missiyaların Fələstin tərəfindəki konkret ehtiyaclara cavab verdiyini və Aİ-nin ərazidəki fəaliyyətinin mühüm hissəsi olaraq qaldığını bildirərək, Aİ-nin BMT Təhlükəsizlik Şurasının 2803 saylı qətnaməsi ilə dəstəklənən Qəzza Sülh Planına dəstəyini davam etdirəcəyini qeyd edib.