Azərbaycan News Agency

Ukrayna Prezidenti Volodimir Zelenski CNN-ə müsahibəsində ölkəsinin hava hücumundan müdafiə imkanları və Rusiyanın ballistik raket hücumları ilə bağlı açıqlamalar verib.

Zelenski 2026-cı ildə malik olduqları tutucu raketlərin sayının 2025-ci illə müqayisədə 2,5 dəfə az olduğunu, Rusiyanın isə aylıq ballistik raket imkanlarının əvvəlki dövrlə müqayisədə iki dəfə artdığını bildirib.

Ballistik raketlərə qarşı istifadə olunan raketlər üçün ABŞ-a qiymətin 100 faizini ödədiklərini deyən Zelenski, ABŞ-dan gələn paketdən sonra əlavə raketlərin əldə olunması üçün şəxsən danışıqlar, görüşlər və telefon danışıqları apardığını qeyd edib.

Zelenski ABŞ ehtiyatlarında olan PAC-3 tutucu raketlərinin 5 faizini satacağı təqdirdə qışı keçirə və insanların həyatını xilas edə biləcəklərini bildirib. O, ABŞ ehtiyatların 10 faizini satarsa, Rusiyanın bütün ballistik raketlərini məhv edə biləcəklərini iddia edib və hazırda ehtiyatların yalnız 1 faizinə çıxışlarının olduğunu qeyd edib.