Azərbaycan News Agency

Kaja Kallas bölgədə gərginliyin azaldılması istiqamətində atılan addımlar və Pakistanın vasitəçilik rolu barədə açıqlama verib.

Atəşkəsin strateji əhəmiyyətinə toxunan Kallas deyib: “ABŞ-İran arasında atəşkəs razılaşması həftələrlə davam edən gərginlikdən sonra uçurumun kənarından bir addım geri çəkilmək deməkdir.”

O əlavə edib: “Bu, təhdidləri azaltmaq, raket hücumlarını dayandırmaq, dəniz daşımalarını bərpa etmək və davamlı razılaşma üçün diplomatiyaya imkan yaratmaq baxımından çox vacib bir fürsətdir.”

Hörmüz boğazı ilə bağlı Kallas bildirib: “Hörmüz boğazı yenidən keçid üçün açıq olmalıdır. Pakistanın xarici işlər naziri İşaq Dar ilə danışdım və bu ilkin razılaşmaya görə ona təşəkkür etdim.”

Kallas sözlərini belə tamamlayıb: “Vasitəçilik qapısı açıq qalmalıdır, çünki müharibənin əsas səbəbləri hələ də həll olunmayıb. Aİ bu səyləri dəstəkləməyə hazırdır və bölgədəki tərəfdaşlarla əlaqə saxlayır. Bu məsələni bu gün Səudiyyə Ərəbistanında müzakirə edəcəyəm.”