Azərbaycan News Agency

Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaja Kallas Beynəlxalq Cinayət Məhkəməsinin (BCM) beynəlxalq cinayət ədaləti sisteminin təməl daşı olduğunu və beynəlxalq hüquq çərçivəsində ən ağır cinayətlərə görə məsul şəxsləri mühakimə etdiyini bildirib.

Kallas ABŞ-nin sanksiya tətbiq etmək niyyətini açıqlamasından sonra BCM sədri Tomoko Akane ilə görüşdüyünü qeyd edərək, sanksiyaların qüvvəyə minməsindən əvvəlki altı aylıq müddətin dialoq üçün imkan yaratdığını bildirib.

Kallas Aİ-nin BCM-ni hər zaman dəstəklədiyini vurğulayaraq, məhkəmənin fəaliyyətini davam etdirə bilməsini təmin etmək üçün İttifaqın müxtəlif seçimlərinin olduğunu və BCM-nin qorunmasının Aİ üçün prioritet daşıdığını qeyd edib.