Azərbaycan News Agency

Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas G7 ölkələrinin xarici işlər nazirlərinin toplantısı çərçivəsində Parisdə Ukraynanın xarici işlər naziri Andrii Sıbiha ilə bir araya gəlib. Kallas Ukraynanın kritik həftələrdən keçdiyini qeyd edərək, Avropanın Ukraynanın yanında olmağa davam edəcəyini vurğulayıb.

Kallas sülh danışıqlarının davam etməsinə baxmayaraq, Rusiyaya qarşı tətbiq edilən sanksiyaların qüvvədə qalacağını və daha da gücləndiriləcəyini bildirib.

Rusiyanın təhlükəsizlik narahatlıqları ilə bağlı bəyanatlarına ehtiyatla yanaşmağın vacibliyini qeyd edən Kallas NATO-nun müdafiə xarakterli ittifaq olduğunu və heç vaxt Rusiyanı təhdid etmədiyini bildirib.

Kallas suverenliyə, ərazi bütövlüyünə və ölkələrin öz ittifaqlarını sərbəst seçmək hüququna hörmətin müzakirə predmeti ola bilməyən fundamental prinsiplər olduğunu ifadə edib.