Azərbaycan News Agency

Avropa Komissiyasının sədr müavini Kaja Kallas Türkiyənin xarici işlər naziri Hakan Fidan ilə geniş müzakirələr apardığını açıqlayıb.

Kallas mehriban qonşuluq münasibətlərinin inkişaf etdirilməsinin və Kiprdə həll prosesinin irəlilədilməsinin vacibliyini vurğulayıb. O, bir gün əvvəl Liviyada Türkiyə ilə dəniz yurisdiksiya sahələrinə dair anlaşma memorandumu ilə bağlı keçirilmiş səsvermə məsələsini gündəmə gətirdiyini bildirərək, həmin memorandumun üçüncü ölkələrin suveren hüquqlarını pozduğunu iddia edib.

Qara dənizdə Rusiyanın təhlükəli eskalasiyasına da toxunan Kallas müharibənin başa çatdırılması üçün Moskvaya təzyiqin artırılmasının vacibliyini bildirib. O, Avropa İttifaqı və Türkiyənin Qara dənizdə naviqasiya azadlığını təmin edəcək razılaşmanı dəstəklədiyini qeyd edib.

Kallas görüşdə Cənubi Qafqaz və Yaxın Şərqdəki hadisələrin də müzakirə olunduğunu bildirib. O, husilərin Səudiyyə Ərəbistanı və Yəmənə qarşı hücumlarını terror taktikaları kimi qiymətləndirərək, onların dayandırılmasının vacibliyini vurğulayıb.

Kallas həmçinin İranın Hörmüz boğazında dəniz daşımalarını təhlükəli və baha başa gələn hala gətirdiyini bildirərək, naviqasiya azadlığının hər hansı tranzit haqqı və ya rüsum tətbiq edilmədən bərpa olunmasının vacibliyini vurğulayıb.