Azərbaycan News Agency

Avropa İttifaqı Komissiyasının genişlənmə məsələləri üzrə komissarı Marta Kos rəqəmsal bağlantının bütün digər bağlantıların fəaliyyətini təmin edən əsas amil olduğunu bildirib. Qatarların rəqəmsal sistemlərə, elektrik şəbəkələrinin real vaxt rejimində məlumatlara, sərhəd keçidlərinin isə informasiya mübadiləsinə ehtiyac duyduğunu qeyd edən Kos bu bağlantıların təhlükəsiz olmasının və etibarlı tərəfdaşlar tərəfindən idarə edilməsinin vacibliyini vurğulayıb.

Avropada bu infrastrukturların inkişafına töhfə verə biləcək dünya səviyyəli şirkətlərin mövcud olduğunu bildirən Kos Kişineuda keçirilən Rəqəmsal Bağlantı Platformasının açılışında ilk təşəbbüslərin elan edildiyini qeyd edib. O, həmin təşəbbüslərin Türkiyə, Qara dəniz və Cənubi Qafqaz vasitəsilə Avropa ilə Mərkəzi Asiyanı birləşdirəcək təhlükəsiz rəqəmsal bağlantılar üçün 600 milyon avrodan çox investisiyanın cəlb edilməsinə yol aça biləcəyini bildirib.