Azərbaycan News Agency

Böyük Britaniyanın xarici işlər naziri İvett Kuper Rəfah Sərhəd Keçidindəki son inkişaflar və bölgədəki humanitar vəziyyətlə bağlı açıqlama verib.

Sərhədin açılmasının əhəmiyyətinə toxunan Kuper deyib: “Rəfahın piyada keçidi üçün hər iki istiqamətdə açılmasını və təcili tibbi yardıma ehtiyacı olan bəzi şəxslərin Misirdə səhiyyə xidmətlərinə çıxış əldə edə bilməsini məmnuniyyətlə qarşılayıram.”

Bölgədə humanitar ehtiyacların davam etdiyini vurğulayan Kuper açıqlamasını belə yekunlaşdırıb: “Lakin hələ görüləsi çox iş var. Yardım axını başlamalı, əsas ehtiyac mallarına dair məhdudiyyətlər yüngülləşdirilməli və yardım işçilərinin fəaliyyət göstərməsinə icazə verilməlidir.”